Grønland

Nuummi Arctic Hubimut AC-fuldmægtig

Ilisimatusarnerup siunissaanik ilusileeqataarusuppit Issittormiunillu suleqateqarusullutit? Suliniutinik aqutsineq misilittagaqarfigaajuk suliaqarfiillu nunanut tamalaanut attaveqarfiusartut pikkoriffigaagit? Arctic Hub Kalaallit Nunaanni ilisimatusarnermi naapeqatigiiffiunissamik anguniakkamut atatillugu tunniussaqarsinnaasumik AC-fuldmægtigissarsiorpoq.

Atorfik pillugu

AC-fuldmægtigitut Arctic Hubip allattoqarfianut, siulersuisuinut sulisunullu attaveqartassaatit. Allattoqarfiup pisortaa naalagarissavat, suliassanillu allattoqarfimmik ingerlatsinermut allattoqarfiullu aaqqiissutaanut tunngavioqataasunut naammassinnittarnermi pingaaruteqassaatit. Arctic Hubimi AC-fuldmægtigitut makku suliarisassavatit:

– suliniutinik Kalaallit Nunaanni, Danmarkimi nunanilu tamalaani ilisimatusarnermi, ilinniartitaanermi, inuiaqatigiinni, ingerlatsinermi inuussutissarsiornermilu suleqatigiilluarnerulissutaasunik ineriartortitsineq, aallarnisaaneq ingerlatsinerlu

– suliffeqarfiup iluani avataanilu ataqatigiissaareqataaneq allattoqarfiullu pisortaanut siulersuisunullu paasissutissiissutissanik suliarinninneq

– Arctic Hub sinnerlugu avammut saqqummiussineq, ass. isummersoqatigiinnernut naleqquttunut peqataajartornikkut aamma mailikkut ataatsimiinnerniluunniit allattoqarfimmut ullormut saaffiginnissutigineqartartunik isumaginninneq

 

Piginnaasaqarfigisatit

Ilisimatusarnermi ilinniagartuutut kandidatinngorsimanissat kissaatiginarpoq. Suliniutinik ingerlatsineq misilittagaqarfigaat, aamma nammineq sulisinnaallutillu allanik suleqateqallaqqipputit. Attaveqateqarsinnaalluarputit oqaatsit ukua arlaat ikinnerpaamik marluk atorlugit: kalaallit, danskisut tuluttullu. Pitsaassaaq issittumi ilisimatusarneq Kalaallillu Nunaanni inuiaqatigiinni politikkikkullu pissutsit ilisimasaqarfigigukkit.

 

Innuttut piginnaasatit

Neriuppugut

– nutaaliorsinnaallutillu isumassarsiorsinnaassuseqartutit

– aaqqissuussisinnaassuseqartutit, ineriartortitsinissamik pingaartitsisutit suliassanillu assigiinngiiaartunik suliaqarsinnaasutit

– siuariartortitsisinnaasutit suliassanillu naammassinnissinnaasutit – nammineerlutit allanillu suleqateqarlutit

– pilersitsillaqqissuusutit attavigisartakkanullu attaveqartuarnissamik isumaginnillaqqissuusutit

– teknikkimut tunngasunik paasisimasaqarluartuusutit. Kissaatiginarpoq Microsoft Officemi Microsoft Plannerimik, Canvamik, Podiomik aamma WordPressimik atuisinnaalluarnissat.

 

Arctic Hub pillugu

Arctic Hub issittumi ilisimatusarnermi Kalaallit Nunaannik immikkut sammisaqarfiusunut qitiuvoq. Kalaallit Nunaat Danmarkilu Nuummi allattoqarfimmik pilersitseqatigiipput, Arctic Hubimilu anguniakkat amerlallutillu imaannaanngillat. Allattoqarfimmi ilisimatusarnermik inuiaqatigiinnillu ataqatigiinnerulersitsiniaavugut. Arctic Hub pillugu atuarnerusinnaavutit nittartakkatsinni www.arctichub.gl-imi. Suleqatigiinnissamik isumaqatigiissut uaniippoq.

 

Ilinnut neqeroorutigisinnaasavutAllattoqarfimmi ineriartorfiujuartumi suliffik tamatigoortoq eqinnaatsuuffiusorlu assigiinngitsorpassuarnik suliassaqarfiusoq. Suleqatigiit ikittunnguit piginnaasallit – allattoqarfimmi pisortaq, attaveqaqatigiinnermut akisussaasoq pisussanillu ataqatigiissaarisoq – suleqatigilissavatit. Minnerunngitsumillu nunatsinni nunanilu allani ilisimatusarnermik suliaqarfiit misilittagaqarfigillualerlugillu paasisimasaqarluarfigilissavatit.

 

Atorfinitsitsinermi piumasaqaatit

Arctic Hubip allattoqarfia Pinngortitaleriffimmiippoq. Taamaattumik Pinngortitaleriffimmi atorfinissaatit Arctic Hubilli allattoqarfiani pisortaq naalagarissallugu. Atorfik Danmarkimi Kalaallillu Nunaanni aningaasanut inatsit aqqutigalugu aningaasaliiffigineqartassaaq. Taamaalilluni aalajangersimasumik atorfiuvoq, aningaasanut inatsisikkoortumik aningaasaliiffigineqartarnissaa naatsorsuutigalugu.Akissarsiat atorfininnermilu atugassarititaasut piffissami atorfiniffimmi Namminersorlutik Oqartussat peqatigiiffiullu isumaqatigiissusiorsinnaatitaasup isumaqatigiissutaat atuuttoq naapertorlugu.

 

Qinnuteqarneq

– Qinnuteqarnissamut killigitaasoq: 22. april 2024.
– Sulilerfissaq: Maajip 1-iat 2024.

 

Atorfik pillugu paasisaqarnerorusukkuit allattoqarfiup pisortaa Jula Maegaard-Hoffmann attavigiuk allallutit sianerlutilluunniit: mail jula@arctichub.gl / oqarasuaat 361284.

 

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

 

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

 

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut “qinnuteqaat nassiuguk” toorlugu nassiutikkit.

 

E-mail-ikkut qinnuteqaatinik tigusineq ajorpugut.