Arctic Hub pillugu

Arctic Hub – Kalaallit Nunaanni ilisimatusarnermut attuumassuteqartunut tamanut attaveqatigiiffik

Nuummi Kalaallit Nunaanniittumi allattoqarfimmit Arctic Hub nunatsinni nunanilu tamalaani ilisimatusarnermik suliaqarfinnut qitiusumik naapiffiuvoq. Arctic Hub 2021-mi Kalaallit Nunaata Danmarkillu suleqatigiinneratigut pilersinneqarpoq, uagullu suliassaraarput inuit, suliffeqarfiit nunallu Kalaallit Nunaanni ilisimatusarnermik suliallit attaveqatigiilersinnissaat. Tamatuma saniatigut ilisimatusarnermi paasisat innuttaasunut ingerlateqqinneqartarnissaat isumagisarparput.

Taamaappat sorpiaat suliarisarpavut? Suliarisartakkatta ilaat makkuupput:

Ataatsimiinnissamik inniminniigit: Ilisimatusartut naleqqussakkatsinnik siunnersortarpavut.

Arctic Hub Connect: Kalaallit Nunaanni ilisimatusarnermi suleqatigiittoqarnerulernissaa malinnaajuminarsaanissarlu siunertaralugit workshoppertitsisarpugut.

Paasisavut: Ph.d.-nngorniuteqartunut Kalaallit Nunaanni ilisimatusartunut ilisimatusarfigisanik saqqummiussillaqqinneqqusaannersuarmik aaqqissuussisarpugut.

Ilisimatusarnermut tunngasut nalinginnaanerusut: Kalaallit Nunaanni ilisimatusarfigineqartut tamanut ammasunngortikkumallugit allaaserisanik videunillu saqqummersitsisarpugut.

Ilitsersuutit: Ilisimatusartunut ilisimatusarnermillu soqutigisaqartunut atoruminartunik paasiuminartunillu ilitsersuusiortarpugut.

Taakku suliarisartakkatta ilaannaraat – Arctic Hubimimmi suleqateqarluni suli allarpassuarnik ilisimatusarfissaqartarpoq! Taamaammat neqeroorutigisartakkavut aaqqissuussavullu tamaasa pillugit paasissutissinneqartarusukkuit nutaarsiassat nassiuttakkavut, Linkedin Facebookiluunniit aqqutigalugit malinnaavigitigut.

Silarsuaq sungiusimasarput allanngoriartorpoq….

…Allanngoriartornerit silap pissusianut tunngassuteqaannanngillat, nunanili tamalaani politikkimik, sumiiffinni atassuteqaasersuutit pillugit pilersaarutinik, piorsarsimassutsikkut pigisanik, angalariaatsitsinnik, nereriaatsitsinnik inooriaatsitsinnillu allannguipput. Silarsuaq tamanna allanik akissutissarsiorusulersitsivoq.

Silap pissusiata allanngoriartorfiatut pingaarnertut Kalaallit Nunaat iluatsittumik akissutissarsiorfiulluassaaq, taamaattumillu ilisimatuut silarsuarmit tamarmik maanga ussagarput. Kalaallit Nunaanni misissuinermi ilisimalerneqartut naleqangaartuupput inuiaqatigiinnillu – nunatsinni nunarsuarlu tamakkerlugu – siumukartitsinissamut ilippanaateqarluarlutik. Taamaattumik pingaaruteqarpoq katersuuffeqarnissaq ilisimatuut paasisaasa sapinngisamik siammarterneqarlutillu sunniuteqarnissaannik, aamma Kalaallit Nunaat ilisimatuutut misissuiffiuinnarnani ilisimatuutut misissueqataanissaanik, qulakkeerutaasussamik. Arctic Hub tamatumunnga katersuuffiuvoq.

Paasisat avitseqatigiissutigineqartut atorneqartullu naleqarnerpaanerannik paasinnittaaseq tunngaviusoq Arctic Hubip tunngavigaa. Paasinnittaasermi tamanna inuiaqatigiinnik siumukartitsisarpoq. Taamaattumik attaveqatigiilersitseqataanissarput suleriaatsinillu nutaanik pilersitseqataanissarput suliassatsitut pingaarnerpaatut isigaarput, paasisat siammarteruminarneruniassammata – nunatsinni, Naalagaaffeqatigiinnitsinni nunanilu tamalaani.

Taamaaliorpugut ataatsimut isiginnittumik suleriuseqarnitsigut ingerlatitseqqiisarnitsigullu.
Ataatsimut isiginnittarnissaq pingaaruteqaqaaq inuit, suliffeqarfiit kattuffiillu imminnut tulluartut kattutitissinnaassagaanni. Ilisimatuutullu misissukkat inuiaqatigiinnut ingerlateqqittarpavut. Naggasiutigalugu nissutta napassutitta marluk suliaannik ima eqikkaavugut:

Arctic Hub ilisimasanik tamanut ammasunngortitsivoq 

Arctic Hub-imi suliniutivut tamavimmik Kalaallit Nunaanni ilisimatusarnikkut ingerlanneqartunik uummammioqarput.

Ilisimasaqarnerorusuppit? Arctic Hub-ip anguniagaa takorluugaalu atuaruk