Eqqumaffigiuk allattukkani ukunani ilanngunneqartut tamakkiisuunngimmata, ingerlaavartumilli ilanngussivigisarlugillu pitsanngorsartassavavut. Taamaattumik allattorsimasunut ilanngusassatut siunnersuutissaqaruit uagutsinnik ilisimatitsiinnarina.
Arctic Research Centre Aarhus University
ARC-mi kryosfæremik aatsitsinerup aatsitsinerullu silap pissusianut, uumassusillit ataqatigiiaarnerannut inuiaqatigiinnullu sunniutaat aallutarineqarput. Misissuinernut taakkununnga ilaapput paasissutissanik katersuineq, ilinniagaqarneq inuussutissarsiornermilu sulialinnik suleqateqarneq. Aammattaaq nuna tamakkerlugu nunanilu tamalaani naalakkersuisoqarfinni, illoqarfinni pisortaqarfinnilu siunnersortitut ikiuisarput.
Center for Arctic-Related Research Aalborg University
AAU Arctic ilisimatuut AAU-meersut akunnerminni suleqatigiinnerannik aammattaaq AAU-mi ilisimatuut suleqatiminnik avataaneersunik suleqateqarnerannik pitsanngorsaarusuppoq.
AAU Arcticip Avannaarsua soqutigisaqarfigaa (ilaatigut Kalaallit Nunaat, Savalimmiut, Skandinaviap avannarpasissua, Canada, Alaska aamma Ruslandi Atlantikullu Avannaa Issittumilu imaq).
Center for Arctic Studies at Roskilde University
RUC-imi Center for Arktiske Studier ilisimasanik atuilluni tapertariissitsillunilu tunniusimallunilu ilisimatuutut misissuinermik, Kalaallit Nunaanni issittumiittutut ullutsinni inuiaqatigiinni ajornartorsiutinik iliuuseqarfiginninnermi pingaaruteqarluinnarsinnaasumik, ineriartortitsinissaq. Suleqatigiinnermi pingaarnerpaatinneqarpoq ilisimatusarnermik ilinniakkanillu ineriartortitsinermik sunneqatigiissitsinissaq, tamannalu massakkorpiaq ilinniakkanik aaqqissuussinermut suliniuteqarnermilu ajornartorsiutinik aaqqiiniarfiusartunut ilassutaavoq. CAS RUC-ip issittumi pissutsinik ilisimatuutut misissuineranik RUC-imi katersuisarlunilu malunnartitsisarpoq RUC-imillu avammut malunnartitsisarluni. Taamaaliortarput RUC-ip iluani Issittumilu suleqatigisartakkanik naleqquttunik atassuteqarfigeqatigiissitsiuarnermikkut.
Arctic DTU – Technical University of Denmark
Arctic DTU Lyngbymi Sisimiunilu DTU-p campusiiniippoq. DTU-p paasissutissanik katersuinermi, ilinniakkani, nutaaliornermi ilisimatusarnerlu tunngavigalugu siunnersuinermi issittumi suliaanik saqqummiussinissaq taakkunannga akisussaaffigineqarpoq.
Nittartakkami tamatumani saqqummersitat, suliniutit ilisimatuutullu allaatigisat Copenhagen Business Schoolimeersut alakkarsinnaavatit. CBS-imi ilisimatuut allagaat naalisarneqanngitsut saqqummersinneqarsimasorpaaluit tamanit atuarneqarsinnaapput.
Marine Resource Governance in the Arctic – The University of Southern Denmark
Syddansk Universitetimi suliniummut tamatumunnga siunertaasoq pingaarnerpaaq tassaavoq pisortaqarfiit assigiinngitsut sermip aanneratigut immami issittumiittumi isumalluutinut immamiittunut uumassusilinnut tunngatillugu ajornartorsiutigilersimasinnaasaannik suussusersiinissaq aaqqiinissamullu ikiuinissaq.
Danmarks Meteorologiske Institut
Danmarks Meteorologiske Institut (DMI) Naalagaaffeqatigiinnermut ilagitillugu qangaaniilli Kalaallit Nunaata silaanik, silaannaanik, imartaanik, sermianik klimaanillu misissuiviusimavoq, nakkutilliiviusimalluni siulittuiviusimallunilu.
Forum for Arctic Research (FAF)
Ilisimatuutut misissuineq issittumi suleqatigiinnermut tunngaviusumut ilaavoq pingaarutilik Issittumilu piujuartitsilluni ineriartortitsineq avatangiisillu pillugit politikkikkut aalajangigassanut pingaarutilinnut tunngavissiisarluni. Kunngeqarfiup Danmarkip Issittumut periusissiaanut 2011-2020-mut piviusunngortitsinermut ilagitillugu 2016-imi Danmarki Issittumut atatillugu ilisimatuutut misissuinermut ilinniagaqarnermullu periusissiamik saqqummiipput danskit Issittumi ilisimatuutut misissuisarnerannik pitsaanerulersitsisussamik suliniutissatut siunnersuutitaqartumik.
Kalaallit Nunaanni/Issittumi ilisimatusarnermut atatillugu Kristine Engel Arendt Københavns Universitetimiittoq una aqqutigalugu saaffigineqarsinnaavoq: kea@science.ku.dk