EXPLAINER: Research fatigue ima pilertarpoq – imalu pinngitsoortis-sinnaavarput

Sumiiffiit ilaanni innuttaasut ilisimatusartunit arlaleriaqalutik oqaloqatigiumaneqartarput. Video una isiginnaaruk paasisaqarfigalugulu ilisimatusaqataaneq kikkunnut tamanut qanoq nuannersuutissinnaagipput. 

Allattoq Ole Ellekrog

Oqariartaaseq ’Research Fatigue’ Kalaallit Nunaanni ilisimatusarnerup silarsuaani tusarneqarajuppoq. Oqaatsit taakku innuttaasut ilaasa atorluarsinnaasarpaat ilisimatusaatigalugu suliniutinut assigiinngitsorpassuarnut peqataanissamut qaaqquneqaraangamik – qaaqqusissutit amerlangaarmata qaaqquneqakatalertarlutik.

’Research Fatigue’ sumiiffinni inukitsuni, nunarujussuusunili, misigineqartarpoq. Nunarpullu nunarujussuit taakkua ilagaat.

’Research Fatigue’ aamma USA-p avannammut kippasissuaniittumi inuiaqatigiinni inukitsuni arlalinni atuuppoq, sumiiffinni taakkunani nunap iluani uuliamik nassaartoqarsimaneratigut inuit ikittunnguit inuppassuarnit – ilaatigut ilisimatusartunit – soqutigineqalertaramik. Taamaattumik University of Montana ilinniartitsissutiliorpoq matuminnga videuliornermut ilaatigut tunngaviusimasunik.

‘Research Fatigue’ ima akiussavarput

Arctic Hubip explaineriani’Research Fatigue’-ip qanoq pinaveersaartinneqarsinnaanera pillugu arlalinnik innersuussuteqarpoq. Ilaatigut innersuussutigineqarpoq ilisimatusartut …

• peqataaqqusamik akuersinnginneranni suup ilisimatusarfigineqarnera pillugu paasissutissiilluartassasut
• nassuiaasassasut ilisimatusarfigisartik peqataasunut sooq pingaaruteqarnersoq
• peqataatitatik ilisimatusarnerminni angusaminnik paasissutissittuaannassagaat
• sammisaminnut assingusumik sammisamilluunniit taassuminnga ilisimatusarfeqartut allat ataqatigiissaareqatigisassagaat

Ataqatigiissaarisoqarsinnaavoq ilaatigut workshoppimi Arctic Hub Connectimi ukiumut ataasiarluni ingerlanneqartartumi.

Video qulaatungaaniittoq isiginnaaruk ’Research Fatigue’ suunersoq, qanoq pilertarnersoq pinngitsoortinniarlugulu qanoq iliorsinnaanersugut paasiumallugu.