Magnus kommune peqatigalugu speciale-ni allakkiartorlugu Kalaallit Nunaannut angerlarpoq

Aallartiguk

Magnus AC-fuldmægtig-uvoq Kommuneqarfik Business-imi, ilisimatusarlunilu inaarutaasumik kandidat allaaserisimavaa, takornariaqarneq nungusaataanngitsumik qanoq nunatsinnut sunniuteqarsinnaanersoq.

 

Allaaserinnittoq Nicoline Larsen 

 

Magnus Biilmann Trolle ilinniakkani ingerlatereernerini ilinniarnini qiteqqullugillu eqqarsarnarsinnaasumik paasisaqarpoq. Ukiorpassuarni business management CBS-imi ilinniarpaa, sulisimanermili allagartaata allattorsimaffia qiviaraanni suliffinnik misilittagaa ukiuni 15-ini tassatuaavoq aalisartutut sulinermik misilittagaqarneq. Sulisitsisussaatalu siunissami aggersussami misilittagaq taannarpiaq suliassanut attuumassuteqavinneranik eqqarsarnissaa ilisimanaateqarpiarani.

 

Taamaammallu Facebook-imi nittartagaq Proud citizen of Sermersooq qimerloorpaa, taannalu aqqutigalugu Magnus Biilmann Trolle illoqarfimminut angerlarsimaffigisaminut uteqqinnissamik periarfissinneqarpoq Kommuneqarfik Sermersuumilu aasaanerani sulinissamik periarfissaqalerluni. Tassungalu atatillugu takorniaqartitsineq piujuartitsinermik toqqammavilik suliarilersimallugu.

 

København-imullu uteqqinnginnermini CBS-imilu ilinniakkami nangeqqinnginnerani paasitinneqarluni speciale-ni suliarerusussaguniuk kommunelu suleqatigerusukkuniuk ilisimatitseqqullugu. Taamaasillunilu Magnus Biilmann Trolle-p piujuartitsineq aallaavigalugu takorniaqarneq pillugu speciale-liorluni Kommuneqarfik Sermersooq peqatigalugu. København-imilu ilinniarfiup atuakkanik atuarfigisartakkami inersuarmi allannani, ulluinnarni suliani Nuummi kommunimi suliani ingerlappai. Taamaasillunilu suliassaqarfik allaaserisani qanimorluinnaq suliarilerlugu.

 

”Taamannak speciale-mik suliaqarnermi suleqatigiinnerup pitsaaqutigisaasa ilagaat paasissutissat atugassatit qanimorluinnaq pissarsiarisinnaagakkit. Nalilerneqarsinnaanngilluinnarpoq inuit apersukkatit isinnik isigalugit sumiiffigisaanilu ornigullutit apersuisinnaanerit, ilisimatusarfiginerilu,”

 

Magnus Biilmann Trolle Arctic Hub-imut oqaluttuarpoq.

 

Magnus Biilmann Trolle najoqqutaralugu ima ittunik suleqatigiiffeqarnerup pitsaaqutaasa ilagaat, speciale-mik allattup kattuffiullu suleqatigiiffimmik ingerlatseqataasullu tamarmik pissarsiaqaatigimmassuk:

 

”Kattuffimmik suleqatigiinnissamik pilersitsininni, taakkuttaaq ilisimasannik illit nassaarilertukkannik pisariaqartitsipput. Paasissutissat taakkulu kattuffiup taassuma inerisaanissaminni atugassarivaat, paasissutissallu illit speciale-mik pitsavimmik suliaqarnissanni atorfissaqartillugit,” Magnus Biilmann Trolle oqarpoq.

 

Speciale-mik suliaqarnini aqqutigalugu Magnus Biilmann Trolle ilisimasanik immikkuullarissunik ilisimasaqalerpoq, taamaammallu ilinniakkani suliluunniit naammassinagit Kommuneqarfik Sermersuumi Inoqatinut attaveqaatinik, pilerisaarinermik piujuartitsinermillu atorfinitsinneqarluni.

 

Magnus Biilmann Trolle-p speciale-minik suliaqarnermini Kommuneqarfimmillu Sermersuumik suleqateqarnermini misigisai pillugit nittartakkap qulaata tungaaniittut aalasuliat aqqutigalugit tusarnaakkit.

 

Illit aammattaaq speciale-liorninni suleqatigiinnissamik soqutiginnikkuit, Magnus Biilmann Trolle assigalugu namminerisamik suliffeqarfinnut ingerlatseqatigiiffinnut allanulluunniit attaveqarsinnaavutit. Imaluunniit Arctic Hub attavigisinnaavat, taava uagut siunnersorsinnaavatsigit qanoq suleqatissannik nassaassanersutit.

 

Suliffeqarfimmiikkuit imaluunniit kattuffimmi, takusinnaalluarlugillu speciale-mik suliaqarnermi suleatigiinnerup pitsaaqutai, aammattaaq Arctic Hub attavigisinnaavat. Aallarnisarnissannut ikiorusulluarpatsigit.