Katrinep silap pissusiata allanngorneri assiliorpai

Klimap kiannerulersup Kalaallit Nunaata kitaani nunap qeriuaannartup masarsua qanoq allanngortissavaa?

 

Allaatiginnittoq Nicoline Larsen

 

Apeqqut taanna uumassusilerisup Kathrine Raundrupip Pinngortitaleriffimminngaanneersup Kangerluarsunnguami Ilisimatuutut misissuiffimmi misissorpaa.

 

Silap pissusiata allanngornerata kingunerisaanik nunarsuup kiassusaata 2-4 °C-nik qaffannissaa ilimagineqarpoq. Nuup eqqaani ilisimatuussutsikkut misissuiffimmi Kangerluarsunnguaniittumi Katrine Raundrupip suleqataasalu Kalaallit Nunaata kitaani qeriuaannartup imarsuata naasortaanut qanoq sunniuteqassanersoq misissorlugu paasiniarpaat. Arctic Hub Katrine Raundrupip misissuiffiliarnerpassuisa ilaanni ilaavoq.

 

Tassani Katrine Raundrupip misissuinermini ikkussani assigiinngitsut takutippai, tassani naasut silap pissusiata aallanngorneranut ilimagineqartunut sanilliullugit qanoq issanersut takutinneqassapput.. Misiligutitut ikkussat taakku siunissami silap qanoq innissaat ilisimatusarnikkut misissuisut ilimagisaat takutippaat.

 

Ikkussat ilaata naasunut tassani naasunut avatangiisit kiannerusut pilersissavai. Allap naasut seqinermut annoraamineq putoortoq atorlugu alanngisimalernissaat takutippaa siunissami pissutsit kiatsinnerup kingunerisaanik qulisimanerusut ilaarlugit.

 

Naasut qanoq malussaritsiginerat paaserusukkukku video takuuk.

 

Kangerluarsunnguani Katrine Raundrupip suleqataasalu suliaat ukiorpassuarni nakkutiginninnermik sulinerup (Greenland Ecosystem Monitoring) ilagaa, taannalu ukiut 25-t sinnerlugit ingerlasimavoq.  Sivisuumik nakkutiginninneq isumaqarpoq ilisimatuutut misissuisut paasissutissanik ataasiaannarlutik katersigatik ukiulli amerlasuut ingerlaneranni katersinerannik.. Taamatut suleriaaseqarnikkut nunap ilaa klimallu allanngorarnerata kingunerisaanik pisut itinerusumik paasisaqarfigissavaat – assersuutigalugulu aasaq ataaseq masannartuliorfiusimaqisoq tunngavigalugu paasissutissat tunngavigalugit inerniliineq pinngitsoorneqassaaq.

 

Kalaallit Nunaanni Pinngortitami Pissuseqatigiinnermik Nakkutilliineq pillugu annertunerusumik uani atuarit.