Ilisimatusarfigisannik saqqummiussinissamut ikiortissarsiorpit? Kalaallit Nunaanni Danmarkimilu inuit tamalaat angukkit
Issittumi aamma Kalaallit Nunaanni pissutsit ilisimatusarfigaagit? Ilisimatusarfigisatit atuagassianiunngitsoq saqqummiukkusuppigit? Taamaappat workshoppertitsineq una ilinnut naleqqutissaaq.
Workshoppertitsinermi uku sammineqassapput:
– Kalaallit Nunaanni ilisimatusarfigisanik saqqummiusserusukkaanni pissutsit atuuttut immikkuullarissut
– Angorusutatit qanorlu angussanerlugit ilisimaariuk
– Oqaluttuarerusutanni ima pingaarnersiuissaatit
– Oqaluttuassannik qanoq soqutiginarsaasinnaasutit
– Ilisimatusarfigisatit Kalaallit Nunaanni saqqummiukkusukkukkit attaveqaatit aallaavissallu assigiinngitsut atorsinnaasatit (nunatsinni nunanilu tamalaani) – qanorlu naatsumik saqqummiussissasutit
Ullup ingerlanerani saqqummiussisoqartassaaq, sungiusartitsisoqartassaaq isumassarsiannillu suliaqarnissamut piffissaqarluassalluni, aamma soorunami najooqqagassanik tamussiussassanillu sassaalliuteqarumaarpugut. Pikkorissartitsinerup kingorna anguniagaavoq isumassarsiassi ilaannik Videnskab.dk-mi aamma Arctic Hubimi sammisaq aallaavigalugu nangeqattaartussanik allaaserisaqarnissaq, danskisut, kalaallisut tuluttullu saqqummersillugit.
Ilinniartitsisut:
Anders Høeg Lammers: Videnskab.dk-mi ilisimatusartunut redaktøriuvoq, ilisimatusartut ilisimatusarfigisaminnik saqqummiussiniarneranni ikiortarlugit. Ilisimatusarneq pillugu nalinginnaanerusumik ingerlatitseqqiisarneq pillugu Danmarkimi universitetini tamani ilinniartitsisimavoq.
Nicoline Larsen: Arctic Hubimi, ilisimatusarneq pillugu katersuuffiusumi Nuummiittumi, attaveqatigiinnermut akisussaasuuvoq. Nicoline Kalaallit Nunaanni innuttaasunut naatsorsuussanik ilisimatusarneq pillugu nalinginnaanerusunik allaaserisaqartarpoq, allaaserisanik aaqqissuisarluni videuliortarlunilu.
Qaqugu: Marsip 15-ani
Nal.: 9 – 16 (Dk nalunaaqutaat malillugu)
Sumi: Kalaallit Illuanni – Løvstræde 6, 1152 København, Danmark
Aaqqissuussaq danskisut ingerlanneqassaaq.