Aamma illit malugisinnaaviuk?

Aput aakkiartulerpoq, ullut takinerusalerput erniinnannguarlu Kalaallit Nunaat ilisimatusartunut ulapaarfiulissaaq.

Arctic Hubimi Kalaallit Nunaanni ilisimatusarfigineqartut paasilluarnerorusullugillu malinnaaffigilluarnerorusuppavut. Kajumissaarusuppatsigit 2023-mi Kalaallit Nunaanni suliniutissannik/ornigullutit misissuinissannik pilersaarutinnik avitseqatigeqqulluta. Workshoppimik matuminnga ingerlatsinitsinni kajumissaassavatsigit pilersaarutinnik ilisimasannillu avitseqatigeqqulluta sumiiffimmilu ornitassanni suliniutit maanna ingerlanneqartut allat pillugit paasiniaaqqullutit.

Saaffigineqartut: Ilisimatusartut 2023-mi Kalaallit Nunaanni ilisimatusaatigalugu suliniuteqartut; ilisimatusarfigineqartut suusinnaappulluunniit. Nunatsinni ilisimatusarnermi soqutigisaqaqatittaaq tikilluaqqusaapput.

Ulloq: Ataasinngorneq, apriilip 17-iat, 2023 – nunatta kitaani nal. 10-11.30 (UTC-3, nalunaaquttat uani naleqqiutikkit) Peqataanissaq nalunaarutigineqassaaq kingusinnerpaamik sisamanngornermi apriilip 13-ianni, 2023.

Peqataaneq: Internetikkut ataatsimiinneq Microsoft Teamsikkut ingerlanneqassaaq. Tuluttut workshoppertitsisoqassaaq. Illit ataatsimeeqaqatillu pissarsilluarneroqqullusi kajumissaassavassi ataatsimiinnermi peqataaqqullusi videolu ikumateqqullugu.

Anguniakkat: 1) Kalaallit Nunaanni ilisimatusariaatsit assigiinngitsut akornanni ilisimatusarnernik malinnaaviginnillualernissaq 2) Ataqatigiissaarinikkut, suleqatigiinnikkut ilisimasanillu avitseqatigiinnikkut ilisimatusarnermik pitsanngorsaanissaq 3) Kalaallit Nunaanni ilisimatusakatannermik annikillisaanissaq.

Peqataanissamik nalunaaruteqarneq: Immersugassaq matuma ataaniittoq immersoruk suleqatinnullu soqutiginnissinnaasunut takutillugu.

Apeqqutissaqaruit maana attavigisigut: info@arctichub.gl