Paasisavut-mi ajugaaniuteqataasut ilisimatusarfigisaminnik saqqummiussillaqqissutsiminnik Nukâka, Minik Rosannguarlu tupigusutsissinnaavaat?
Allattoq Nicoline Larsen
Maanna Arctic Hubip saqqummiussinnaanngorpaa Paasisavut-mi ilisimatusartut ilisimasaminnik innuttaasunut saqqummiussillaqqinneqqusaanneranni kikkut naliliisartuussanersut.
Nuummi novembarip 13-ianni Katuami ajugaaniuttoqarnerani ph.d.-t ph.d.nngorniallu tallimat tulleriiaallutik saqqummiussisassapput. Minutsini tallimaannarni tamanut paasiuminartumik ph.d.-nngorniutiminnik nassuiaassapput.
Grafinik, tabelinik oqaatsinilluunniit paasiuminaatsunik atueqqusaanngillat. Inersuarmili isiginnaartunut KNR-ikkullu isiginnaartunut tamanut paasiuminartumik paasisatik allatut periaaseqarlutik oqaluttuarissavaat. Minnerunngitsumillu naliliisartut Paasisavut 2024-mi ajugaasussanik toqqaasussat ajasoortinniarsarissavaat.
Naliliisartut pingasut ukuupput:
Nukâka Coster-Waldau isiginnaartitsisartuullunilu erinarsortartuuvoq tamanit nersugaasoq. Inuppassuit takkuanni tusarliukkumasanik inuit killillugit qanoq saqqummiussisoqartarneranik – Paasisavut-mi ajugaaniuteqataasut anguniagaannik – paasisimasaqarluarpoqs.
Minik Rosing ujarassiuujuvoq tusaamaneqarluartoq maanna Københavns Universitetimi sulisoq. Miniup oqalugiarneq misilittagaqarluarfigaa, ujarassiornerup silarsuaa qungujunnartuliuutigaluni tamanut paasissutissiilluartarami.
Rosannguaq Rossen Ilisimatusarfimmi issittoq pillugu ph.d.-nngorniuteqarsimavoq. Rosannguaq attaveqatigiinneq ilisimatusarnerlu piginnaaneqarluarfigai, Paasisavut-milu suliaqarfinnit taakkunannga marlunnit ilisimasani atorluassavai.
Taakkulu Miniup, Rosannguup Nukâkallu tamarmik pikkoriffigilluinnagaraat
“Nuannaarutigalugulu tulluusimaarutigaarput ukioq mannattaaq naliliisartunik piginnaaneqarluartunik suleqatigiittussanngortitsisinnaasimagatta, taakkumi peqatigiillutik ajugaaniuteqataasussat naapertuilluartumik suliamillu paasisimasaqarluarluni naliliivigineqarnissaannut tunngavissiissagamik,” Jula Maegaard-Hoffmann, Arctic Hubip allattoqarfiani Paasisavut-mik aaqqissuiffiusumi pisortaasoq, oqarpoq.
“Paasisavut-mi pingaarnersaavoq ilisimatusarfigisat piumassuseqangaarluni saqqummiussinnaanissaat. Taamaattumik naliliisartut ilisimatusarneq, ingerlatitseqqiineq inuppassuillu killillugit qanoq saqqummiussisoqartarnera paasisimasaqarfigissavaat. Taakkulu Miniup, Rosannguup Nukâkallu tamarmik pikkoriffigilluinnagaraat.”
Ukioq manna Paasisavummut nalunaarnissamut ammarpoq
Ph.d.-nngorsimaguit, ph.d.-nngorniaaguit nalunngisaqaruilluunniit maanna Paasisavut-mut peqataaniarluni nalunaarnissamut periarfissaqarpoq.
Qinnuteqarnissamut killigitinneqarpoq septembarip 1-iat.
Kiisalu soorunami aamma akissarsitinneqarumaarluni 25.000 kr.-nik.
Paasisavut pillugu uani atuarit www.paasisavut.gl.