Matumani peqatigiiffiit Kalaallit Nunaanni ilisimatusarnermut attuumassutillit ilaat pillugit paasisaqarnerusinnaavutit. Neriuppugut Kalaallit Nunaanni ilisimatuutut misissuininnik aallarniininni atorluarsinnaassagitit.
Eqqumaffigiuk allattukkani ukunani ilanngunneqartut tamakkiisuunngimmata, ingerlaavartumilli ilanngussivigisarlugillu pitsanngorsartassavavut. Taamaattumik allattorsimasunut ilanngusassatut siunnersuutissaqaruit uagutsinnik ilisimatitsiinnarina.
Naalakkersuisoqarfik tamanna assigiinngitsorpassuarnik suliaqarfiuvoq. Attavissat naniuk nittartagaq alakkarlugu.
Naalakkersuisoqarfik tamanna assigiinngitsorpassuarnik suliaqarfiuvoq. Attavissat naniuk nittartagaq alakkarlugu.
Naalakkersuisoqarfik tamanna assigiinngitsorpassuarnik suliaqarfiuvoq. Attavissat naniuk nittartagaq alakkarlugu.
Naalakkersuisoqarfik tamanna assigiinngitsorpassuarnik suliaqarfiuvoq. Attavissat naniuk nittartagaq alakkarlugu.
Kalaallit Nunaata Washington D.C.-mi Sinniisoqarfiata sulissutigisarpaa Kalaallit Nunaata USA-llu aamma Kalaallit Nunaata Canadallu illugiillutik assigiinngitsutigut attaveqatigiinnerannik pitsanngorsaanissaq, ilaatigut politikkikkut, aningaasaqarnikkut, niueqatigiinnikkut, ilinniagaqarnermi, ilisimatusarnikkut kulturikkullu attaveqatigiinnerannik.
Siunnersuisoqatigiit 2013-imi pilersinneqarput Naalagaaffiit Peqatigiit nuna tamakkerlugu inuttut pisinnaatitaaffiit pillugit kattuffiliornissaq pillugu najoqqutassiaat siunnersuisoqatigiinnillu kattuffinnillu taama ittunik pilersitsinissamik innersuussutaat tunngavigalugit.
ICC nunap inuii pillugit nunarsuaq tamakkerlugu suliniaqatigiiffiuvoq. Peqatigiiffik inuit 180.000-it missaanniittut nunani issittuniittuni ukunani najugallit sinniisuuffigaat: Alaska, Canada, Kalaallit Nunaat aamma Chukotka Ruslandimiittoq.
Naligiissitaanissamut Siunnersuisoqatigiit suliassaraat nunatsinni inuiaqatigiinni angutit arnallu akornanni naligiinnerulersitsinissaq. Siunnersuisoqatigiit politikkikkut arlaannulluunniit attuumassuteqanngillat, taamaattumillu pisortaqarfiit arlaannulluunniit pituttugaanngillat namminersorlutillu suliniutinik aallarniisarlutik.
MIO-mi Naalagaaffiit Peqatigiit Meeqqat pisinnaatitaaffii pillugit Isumaqatigiissutaat Kalaallit Nunaanni paasititsiuniutigineqarnissaa sulissutigineqarpoq. MIO-mit sulissutigineqarpoq Naalagaaffiit Peqatigiit Meeqqat pillugit Isumaqatigiissutaat aallaavigalugu suliniuteqartoqartarnissaa, Kalaallit Nunaanni meeqqat inuusuttullu – ingammik ajornartorsiortut – ulluinnarni inuunerannik pitsanngorsaataasussanik.
Inuit innarluutillit illersuisoqarfiat Tilioq Namminersorlutik Oqartussat ataanni suliffeqarfiuvoq politikkikkut arlaannulluunniit atanngitsoq Sisimiunilu inissisimasoq. Tiliumit suliarineqartartut inatsisinik tunngaveqartuupput aamma inuit innarluutillit inuiaqatigiinni soqutigisaannik Naalagaaffiit Peqatigiit inuit innarluutillit pillugit isumaqatigiissutaat aallaavigalugu qulakkeerutaasussaallutillu siuarsaataasussaallutik.
Innovation Greenlandip (Greenland Businessimik taaguuteqarsimasup) suliassaraa inuussutissarsiornikkut siunnersuinissaq aallarniisullu isumassarsiaqarluartut nutaaliorlutik isumassarsiamik kinguneqarluarsinnaasutut suliniutigineqalernissaannut aningaasatigut taperserneqarnissamik siunnersorneqarnissamilluunniit pisariaqartitsisut qinnuteqaataannik suliarinninnissaq. Tamakkorpiaattaaq pissutigalugit Innovation Greenland Namminersorlutik Oqartussat inuussutissarsiornikkut siuarsaanermi aaqqiissutaanik ingerlatsisarpoq.