Kalaallit Nunaanni misissuiviit soqutiginartippigit?
Misissuiviit pingaarnerit alakkakkit! Neriuppugut Kalaallit Nunaanni ilisimatusarnermi suliniutinnik aallartitsinissamut iluaqutigissagitit.
MALUGIUK: Najoqqutassiaq manna tamakkiisuunngilaq, ingerlaavartumillu ilassuteqarfigineqartassaaq. Isumaqaruit misissuiviit arlaat allattukkanut ilanngunneqartariaqartoq maana ilisimatitsigut.
Misissuivik Qeqertarsuup kujammut sineriaaniippoq Kalaallit Nunaata kitaaniilluni (69°15’N, 53°34’W), assinga takuuk – ikersuarmullu Davisimut sammilluni. Misissuivik illoqarfeeqqap Qeqertarsuup (Godhavniusimasup) 847-t miss. inullip avataani 1 km miss. ungasitsigisumi inissisimavoq.
Det Natur- og biovidenskabelige Fakultet Københavns Universitetimiittoq Arktisk Stationimik ornigulluni misissuivittut ingerlatsivoq uumassusilerinermut ujarassiornermullu tunngassuteqartunik sammisaqarnermi issittumi ilisimatuutut misissuinermik ilinniartitsinermillu siuarsaanissaq siunertaralugu.
Zackenberg Research Station ilisimatuutut misissuiviuvoq uumassusillit ataqatigiiaarnerannik nakkutilliinermillu aallussiviusoq Kalaallillu Nunaata avammut kangisissuani 74º28’ N, 20º34’ W-mi inissisimalluni. Suli allamik misissuiveqarpoq Daneborgimik taaguutilimmik, taannalu Zackenbergip avammut kangiatungaani 25 km-isut ungasitsigisumiippoq.
Kobbefjord Research Station Kangerluarsunnguup qinnguaniippoq Nuummit 25 km-it miss. ungasitsigisumiilluni. Pinngortitaleriffimmut atasuuvoq. Misissuivik pingaartumik ilisimatuunit teknikerinillu nakkutilliilluni suliniummut Greenland Ecosystem Monitoringimut atassuteqartunit atorneqarnerusarpoq, ilisimatusarnissamilli siunertaqartunit tamanit atorneqarnissamut ammavoq.
Villum Research Station avannaani sakkutooqarfimmi Station Nordimiippoq. Ilisimatuut nunanit tamalaaneersuut misissuivimmut tikittarput. Misissuivimmiittarput ilisimatusarnermi suliniutitut allaaserisimasaminnut tunngatillugu, aamma nunaminni suliniummut tapiivigineqarsimagamik misissuivimmillu akuerisaasimallutik. Silap pissusianik misissuivik Kalaallit Nunaanni naalakkersuisunit pigineqarpoq Aarhus Universitetimillu ingerlanneqarluni.
Sermilimmi ornigulluni misissuivik Ammassalimmi Tasiilap avammut kitaatungaani 20 km-isut ungasitsigisumiippoq. Sermilimmi ornigulluni misissuivik Københavns Universitetimi Det Naturvidenskabelige Fakultetimit pigineqarpoq. Ulluinnarni ingerlatsisuupput Institut for Geografi og Geologi. Sermilik ilisimatuutut misissuivittut atorneqaatigaluni aamma ilinniartunit ornigulluni misissuivittut atorneqarpoq issittumi pissutsit pillugit ilinniartitsinermut atatillugu.
Summit Station Kalaallit Nunaata sermersuani misissuiviuvoq. Nalerai eqqoqqissaartut allanngorartarput sermeq inissisimaffigisaa illikartarmat. Misissuivik Polar Servicesimit Amerikamiunit pigineqartumit ingerlanneqarpoq Amerikami National Science Foundationimit aningaasaliiffigineqartarluni. Misissuivimmut tikeraarumagaanni Dansk Polarcenterimit Inatsisartut ataanniittunit akuersissummik pisoqaqqaartariaqarpoq.
Arctic DTU Lyngbymi Sisimiunilu DTU-p campusiini inissisimaffeqarpoq, tassanngalu suliassaavoq DTU-p ilisimatusarnermi, ilinniakkani, nutaaliornermi ilisimatusarnerlu tunngavigalugu siunnersuinermi issittumi suliaanik siuarsaanissaq.
Barakkit Amerikamiut Kangerlussuarmi sakkutooqarfeqarnerata nalaaneersut ullumikkut ilisimatuunut Kangerlussuarmi sermimiluunniit ilisimatusartunut illusimatitsiviusarput.
MALUGIUK: Najoqqutassaq manna tamakkiisumik naammassineqanngilaq ingerlaavartumillu ilanngussivigineqartassalluni. Paasisaqarnerujumaguit uagutsinnik ataatsimeeqateqarnissannut piffissamik inniminniisinnaavutit.