Kalaallit Nunaat ilisimatusarnermi pingaarutilimmik inissisimavoq, taamaattorli Kalaallit Nunaanni ilisimatusarneq pillugu ataatsimut takussutissaq sivitsortumik amigaataasimavoq. Arctic Hubip nalunaarusiaani ‘Kalaallit Nunaanni ilisimatusarneq’ (2026) Kalaallit Nunaanni ilisimatusarnerup qanoq ingerlanneqarnera pillugu paasissutissat assigiinngitsut saqqummiunneqarput.
Nalunaarusiami ilisimatusarnerup inerneri, ilisimatusarnermi pingaarnersiuinerit, nunat tamat akornanni suleqatigiinnerit kiisalu Kalaallit Nunaanni sumiiffinni assigiinngitsuni ilisimatusarnerup qanoq agguataarsimanera pillugit takussutissiisoqarpoq. Taamatuttaaq Kalaallit Nunaanni ilisimatusarnermut nunat tamat akornanni soqutiginninneq annertooq ersersinneqarpoq, ilaatigut nunat sorliit Kalaallit Nunaanni ilisimatusarnersut aammalu nunap sumiiffiini sorlerni ilisimatusarneq annertunerpaaq ingerlanneqarnersoq.
Kalaallit Nunaanniit ilisimatusarneq aammalu Kalaallit Nunaat pillugu ilisimatusarneq assigiinngissuteqarput. Ilisimatusarnerit sammisaat, ilisimatusarfiillu assigiinngitsut eqqarsaatigalugit assigiinngissuteqartorujussuupput. Misissorneqarportaaq nunat sorliit, ilisimatusarnermilu sammiviit sorliit Kalaallit Nunaanni amerlanerpaanik suleqateqartarnersut.
Neriuutigaarput ilisimasat uku Kalaallit Nunaanni ilisimatusarnerup pingaaruteqassusaa pillugu ataatsimoorluta oqaloqatigiinnissamut iluaqutaassasut, siunissamilu ilisimatusarnerup qanoq ineriartortinneqarsinnaaneranik eqqartuinissamut tunngavissiiumaartut.
