Ilisimatusarnermi iluaqutissat

Ilinnut Kalaallit Nunaanni

ilisimatusartumut

malinnaatitsineq neqeroorutillu

Nittartakkami matumani Arctic Hubip neqeroorutai atortussiaalu tamaasa ilinnut Kalaallit Nunaanni ilisimatusartumut katersorpavut.

 

Ilaatigut uagutsinnut saaffiginnissutigineqarnerpaasartut tunngavigalugit ilitsersuussusiavut takusinnaavatit.

 

Maani apeqqutinnut akissutissarsinngikkuit uagutsinnik ataatsimeeqateqarnissamik inniminniisinnaavutit, nittartakkamilu inniminniisarfik atorneqarluartaqaaq. Taamaalilluta siunnersuutivut ilinnut naleqqussarsinnaassavavut.

 

Aamma aaqqissuussavut suliavullu misissuivigisinnaavatit, suliattalu ilagaat Arctic Hub Connect; aaqqissuussaq taanna aqqutigalugu ukiumut ataasiarluta Kalaallit Nunaanni ilisimatusartut tamaasa naapeqatigiissittarpavut ukiullu ingerlanerani ilisimatusarnissanik ataqatigiissaarisarluta.

 

Imaluunniit saqqummiussillaqqinneqqusaatsitsineq Paasisavut paasisaqarfigisinnaavat, Kalaallit Nunaanni ph.d.-nngorniutillit paasisatik pillugit innuttaasunillu aliikkusersuiutigalutik saqqummiussillaqqinneqqusaaffigisartagaat.

 

Tamakku tamaasa allarpassuillu nittartakkami matumani misissorsinnaavatit.

 

Eqqaamajuk – kimut saaffiginnissanerlutit nalulerukku uagutsinnut saaffiginnittuaannarsinnaavutit. Taava nunatsinni ilisimatusarnerup silarsuaani ingerlaqqinnissamut ikiorumaarpatsigit.

Ilitsersuutit

Arctic Hub how-to-guides (qanoq iliornissamut ilitsersuutit) atorlugit Kalaallit Nunaanni ilisimatuussutsikkut misissuinernik aallartitsinissaq ajornanngitsunngortinniarlugu sulisarpoq. Neriuppugut iluaqutigissagitit.

 

Ilitsersuutiliavut takukkit

Arctic Hub Connect – Kalaallit Nunaanni ilisimatusarnermi suleqatigiittoqarnerulernissaa malinnaajuminarsaanissarlu siunertaralugit workshoppertitsisarpugut.

 

Arctic Hub Connect ukiumoortumik internetikkut aaqqissuunneqartarpoq ilisimatusartut ilisimatusarnermillu soqutigisaqaqatit Kalaallit Nunaanni ilisimatusarnermik suliallit suleqatigiinnerusarnissaat siunertaralugu.

 

Aaqqissuussami tamatumani ilisimatusartut nunatsinneersut nunanillu tamalaaneersut tamaasa piffissami takkuttumi suliniutissaminnik ornigullutillu misissugassaminnik oqaluttuarinneqqullugit kajumissaartarpavut, taamaalillutik Kalaallit Nunaanni eqqaanilu ukiup ingerlanerani ilisimatusarnissat malinnaavigineqarluarnerusinnaaniassammata.

 

Atuaruk!

Arctic Hub Connect 2025

Arctic Hub Connect 25. februar 2025

Register

Paasisavut – Kalaallit Nunaanni ilisimatusarfigisanik saqqummiussillaqqinneqqusaaffik

 

Ukioq allortarlugu Arctic Hub ph.d.-nngornianik nunatsinni nunattalu eqqaani ilisimatusarnermik suliaqartunik ilisimatusarfigisat pillugit saqqummiussillaqqinneqqusaatsitsisarpugut Paasisavut-mik taallugu. Peqataasut ilisimatusarfigisatik pillugit Kalaallit Nunaanni innuttaasunut tamanut saqqummiussinissaminnut asseqanngitsumik periarfissinneqartarput.

 

Paasisavut ilisimatusarfigisanik saqqummiussinermi ph.d.-nik Kalaallit Nunaanni eqqaanilu ilisimatuutut misissuinermik sulialinnik unammisitsineruvoq.

 

Ajugaasoq minutsit tallimaannaat ingerlaneranni ilisimatuutut misissukkaminik paasiuminartumik, sunniuteqarluartumik tulluartumillu saqqummiussisinnaassaaq, taakkua ilisimatuussutsimut tunngasortaanik ataqqinnilluni. Peqataasoq saqqummiussillaqqinnerpaaq 50.000 kr.-innatsinneqartarpoq.

 

Unammisitsineq pisarpoq Nuummi kulturip illorsuani Katuami KNR.

 

TV-kkullu toqqaannartumik aallakaatinneqartarluni nunatsinniittut tamarmik malinnaasinnaaniassammata.

 

Paasisavut tullissaanik ingerlanneqassaaq 2026-mi.

Paasisavut 2026

Paasisavut suunera kikkunnillu peqataaffigineqarsinnaanera pillugit paasisaqarit.

Paasisaqarnerugit

Arctic Hubimiittut ataatsimeeqatigikkit

Ilisimatusartunik issittumillu soqutigisaqartunik allanik siunnersuisarpugut. Siunnersortissaaleqillutit saaffissaaruttarpit? Ataatsimeeqatigiinnissatsinnik inniminniigit, taava ingerlariaqqinnissannut ikiorumaarpatsigit.

Ataatsimeeqatigisigut
Iluani:

Ilisimatusartut taakkulu oqaluttuaat

Videuliavut tamaasa alakkakkit
Play

Silarsuarmi misissuiviit avinngarusimanersaannut tikilluarit

Arctic Hubermiut Amerikamiut misissuiviannik Summit Stationimik alakkaapput.

Play

Eske Willerslev inuussutissarsiornikkut ajornartorsiummut aaqqiissutissarserusuppoq nunatsinni orpiit itsarnitsat atorlugit 

Ukiut 2 millionit matuma siorna Kalaallit Nunaanni orpiusut siunissami naammattunik nerisassaqarnissatsinnut immaqa qu...

Play

Emma ileqqutoqqat malillugit Sisimiuni qamusiorpoq

Ph.d.-nngorniaq Danmarkimeersoq Emma Vitale sapaatit-akunnerini arfinilinni Sisimiuniippoq ileqqutoqqat malillugit qamusiorluni.

Play

Qaqqat sisooratarsinnaanerat – alapernaarsuiveqarluarneq isumannaallisaataassaaq

Nalunaarusiaq nutaaq naapertorlugu qaqqat sisooriataarsinnaapput.

Play

’Uffarfimmut ikinertut malunniutilik’ – Qaqqat sisoornerat ima tassaarsuanngortarpoq

Maanna qarasaasiami takussutissiat atorlugit tassaarsuup annertussusissaanik sumilu eqquinissaanik ilisimasaarisoqarsinnaavoq.

Play

Meeqqat angerlarsimaffianni pisortaq: Ilisimatusartunik suleqateqarnivut tamatsinnut iluaqutaasarput

Uummannami meeqqat angerlarsimaffianni meeqqat iluatsinnerminnik misigisaqartarput maligassaqalertarlutillu ilisimatusartut suliniuteqarneranni iki...

Play

Arnâqqap Kalaallit Nunaanni sumi tamani imminut toqussimasoqartillugu qimagaasut imminut toquttarneq pillugu akiuinermik ilinniartittarpai

Qaqortormiu Kornelia Rugholm inuit 500 sinnerlugit amerlassuseqartut Arnâraq Patricia Blochip imminut toquttarneq pillugu pinaveersaartitsinermik p...

Play

Ilisimatusartut nunatta kujataanut tikiussorput: Piffissartornarput isumalluutinillu atuinarlutik

Kujataani savaatillit ilisimatusartorpassuarnik tikeraartartunik ikiuisarnerminnit artorsinneqarnaveersaarnissaat Innovation South Greenlandip suli...

Play

Ilisimatusartoq angerlarsimaffinni radonimik uuttuivoq

Ilisimatusartoqatigiit inunnik angerlarsimaffimminnut isertitserusuttunik pissarsiorput.

Pisut malinnaavigikkit

Ilinnut neqeroorutigisinnaasatta ilaminiinnaraat – Arctic Hub peqatigalugu paasisassarsiorfissarpassuaqarpoq! Nutaarsiassanik nassitsittalerusullutit nalunaarfigitigut, aamma
LinkedIn-ikkut imaluunniit Facebook-ikkut aaqqissuussavut, saqqummersitavut nutaarsiassallu Kalaallit Nunaanni ilisimatusarnermut tunngasut malinnaavigikkit.

Pisussat, atorfinnik inuttassarsiuussineq, aningaasaliinerit allarpassuillu.

Arctic Hub Bulletin Board

Atuaruk