Issittumi ilisimasat tamanut ammasunngortippagut

Qularinngilarput ilisimasat suliniarnikkut siuarsarneqaraangata allanullu avitseqatigiiffigineqarlutik naleqarnerulertarnerat. Tamanna pillugu ataavartumik ataqatigiilersitsinerit sulissutigaavut, taamaasillutik ilisimasat ajornanngitsumik suleqatigisat akornanni ingerlasinnaaniassammata, ass. ilisimatuutut misissuisut, ingerlatsiviit, oqartussaasut, ilinniartitaanermik suliallit nunallu assigiinngitsut akornanni.

Suliaqarfiit assigiinngitsut aqqusaarlugit oqaloqatigiinnerit ilisimatuussutsikkullu suleqatigiinnerit periarfissittarpavut. Ilisimatuut allaffianniit ilisimasat inuiaqatigiinnut ingerlateqqittarpavut qulakkeertarlugulu kommunit allaffianni imaluunniit aalisarnermik inuussutissarsiornermit ilisimasat pisariaqartitallu aamma ajornanngitsumik ilisimatuussutsikkut suliaqarfinnut ingerlaqqittarnerat.

Uani ilitsersuutit assigiinngitsut pisinnaasunullu assersuutit pitsaanerpaat nassaarisinnaavatit, neriuppugullu taakku isumassarsitissagaatsit ilisimasatigut suleqatigiinnermut ilanngukkusulersissallutit. Immaqa aamma suliniutivut allat misissorusussinnaassavatit, tassa pisunik atortussanillu assigiinngitsunik isumaginnittoqarfiit assigiinngitsut akimorlugit aaqqissuussisaratta.

Ikiorneqarusussagaluaruit – Attavigitigut!