Kalaallit Nunaanni ilisimatusarnerit pisoqartitsinikkut attaveqaqatigiinnikkullu siammarteqqinneqartarnissaani peqataarusuppit? Imaalluarsinnaavoq illerpiaq ilinniartuusutit Arctic Hub-imi ikiortissarput.
Suliassaqarfik
Ilinniartup ikiortissap Arctic Hub-imi allattoqarfimmi suleqatigiit eqimattani suleqataalissaaq. Pisussanik pilersaarusiugassanik annerusumik suliaqassaatit, attaveqaqatigiinneq SoMe-kkut, aammalu allaffissornikkut suliassat assigiinngisitaartut takkuttartussat ilanngullugit.
Sapaatip akunnerani akunnerit suliffiusussat naatsorsuutigineqartut: akunnerit 10-15-it. Sapaatip akunnerata ingerlanerani akunnerit illit kissaatigisinnaasattut inississornissaanut ammavugut, soorunamilu ilinniarninni misilitsiffissat ilanngullugit eqqarsaatigineqassapput. ‘Nalinginnaasumik suliffiusartut’ akunnerit avataasigut pisoqartitsinerit ingerlanneqarsinnaasarnissaat naatsorsuutigineqassaaq (nal. 16 kingorna kiisalu suliassanik tunniussivissatut killigititat ilanngullugit.
Suliaq Nuummi allaffitsinni (Kivioq 5-imi) ingerlanneqassaaq.
Piaarnerpaamik sulilersinnaanissaq isumaqatigiissutigineqassaaq.
Naatsorsuutigaarput illit
- bachelor-imut imal kandidat-imut ilinniartuunissat
- nammineq suliaqarsinnaassuseqarnissat aaqqissuussaasumillu sulisinnaassuseqarnissat
- oqaatitsigut allattariarsornikkullu ajornanngippat kalaallisut, dansk-isut tuluttullu piginnaasaqarnissat
- pisoqartitsinernik pilersaarusiornernik aammalu inuit akornanni attaveqaqatigiiffinnik misilittagaqarnissat
- eqimattani suleqatigiinnerni peqataasinnaassuseqarnissat ulapaarfiusumilu suliaqaannaviffimmi peqataasinnaanissat
- Kalaallit Nunaanni ilisimatusarnernik ilisimatusaatinillu siammarterinissanik soqutigisaqarnissat
Qinnuteqarfissaq
Suliaqarfigisimasavit allattorsimaffia, CV, kiisalu sunik toqqammaveqarpiarnerlutit suliffimmut pineqartumut qinnuteqarnerpit nassuiaataata tigunissaat qilanaaraarput.
Qinnuteqaatit tunngavilersugaq, ilinniarsimanermut allagartat uppernarsaatit/misilitinnermi angusat allattorsimaffii, aammalu paasissutissat attuumassuseqartut allat uunga nassiussinnaavatit:
Attaveqarfissaq
Attaveqaqatigiinnermut akisussaasoq, Nicoline Larsen: nico@arctichub.gl