Arctic Hubip 2025-mut ukiumoortumik nalunaarusiaa, ukiumut ilisimatusarnermik Kalaallit Nunaanni pissarsiariuminarnerulersitsillunilu attuumanninnerulersitsisumik takussutissiisoq atuarsinnaalerpat.
Arctic Hubip 2025-mut ukiumoortumik nalunaarusiani saqqummiuppaa. Ukioq Arctic Hubimut ataatsimoornermik ilisimasanillu nutaamik naapitseriaatsimik nalaassiffiusimasoq taassuma takutippaa.
Tamanna Greenland Science Weekimi, Arctic Hubip siullermeerluni pingaarnertut aaqqissuussisuuffiani immikkut ersarippoq. Aaqqissuussinermi ilisimatusartut, aalajangiisartut Nuummi, Ilulissani, Sisimiuni, Sarfannguani Kangerlussuarmilu najugaqartut kateritsinneqarput.
Ilutsit kiinnallu nutaat
Tamatuma saniatigut Arctic Hubip ilutsimik nutaamik ammaavoq, tassalu ilisimatusarnermik festivali Qaagitsi, tassani ilisimatusartut innuttaasullu ataatsimut alapernaallutik naapipput. Festivali Katuami ingerlanneqarpoq Greenland Science Weekillu naaneranik nalliussiffiulluni. Inuit 1000-init amerlanerusut aqqusaarput, Arctic Hubillu aaqqissuineq pillugu pitsaasunik utimut oqariartornerpassuit tulluusimaarutigai.
”Ukioq 2025 Arctic Hubip Kalaallit Nunaanni Kalaallillu Nunaat pillugu ilisimatusarnermik kateriffittut nukinga erseqqissumik takutinneqarpoq”, Mininnguaq Kleist, Arctic Hubip siulersuisuini siulittaasoq ukiumoortumik nalunaarusiami oqarpoq.
Taamattaarlu aaqqissuussinikkut allannguinerit, allatseqarfimmi siulersuisunilu kiinnatigut nutaatigut ukiumi pisut ilanngullugit atuarsinnaavatit, tassani siulersuisut siulittaasuat nutaaq kiisalu aamma allatseqarfimmi pisortaq nutaaq ilanngullugit.
Ukiumoortumik nalunaarusiaq kalaallit, danskit tuluillu oqaasii atorlugit naqitaq pissarsiarineqarsinnaavoq. Taanna ukiumik ingerlatsiviup angusaanik kiisalu pilersaarutinik 2026-mi suliarineqaqqittussanik takutitsivoq.
2025-mut ukiumoortumi nalunaarut uani atuaruk.
Imaluunniit ugguuna downloaderuk.
