Ukioq 2024 Arctic Hubimi pisoqarfiulluarpoq. Ukiumoortumik nalunaarusiami saqqummersitatsinni piffissarput nukivullu sumut atorsimanerivut paasisaqarfigisinnaavat.
Arctic Hubimi sulerisarnersugut paaserusussinnaaviuk? Neriuppugut alapernaatsutit, taamaattumillu ukioq manna ukiumoortumik nalunaarusiatta kusanarlunilu paasiuminartuunissaa pingaartissimavarput, sapinngisamik amerlanerpaanit paasisassarsiorfigineqarumanissaa neriuutigalugu.
2024-mut nalunaarusiami ukiumi qaangiuttumi ilaatigut ilisimatusarfigisanik saqqummiussillaqqinneqqusaanneq Paasisavut aaqqissuupparput. Aammattaaq internetikkut workshoppertitsineq Arctic Hub Connect ulapputigaarput, issittumi ilisimatusartut katersortikkatsigit misissuinissanik ataqatigiissaariniassammata. Tamatumalu saniatigut Københavnimiippugut Danmarkimi ilisimatusarnermik suliaqarfinni ilisimatusartuusunik paasisitsiniaalluta ilisimatusarfigisatik Kalaallit Nunaanni innuttaasunut qanoq pitsaanerpaamik ingerlateqqissinnaaneraat.
Unnummut Kulturisiorfimmut aamma Nuuk International Film Festivalimut atatillugu aaqqissuussavut pillugit aamma atuarsinnaavutit isiginnaarsinnaallugillu Uummannami, Bodømi, Kangerlussuarmi, Edinburghimi, Sermersuarmi Reykjavikimilu suliavut.
Nalunaarusiaq kalaallisut, danskisut tuluttullu atuarneqarsinnaavoq, Arctic Hubimilu suliavut siunissamullu pilersaarutivut pillugit paasisaqarfigisinnaavat.
2024-mut ukiumoortumik nalunaarusiaq uani atuaruk.
