Paasisavut 2026-imi ilisimatusarneq pillugu kikkunnut tamanut paasiuminartumik saqqummiilluni unammisitsinermut peqataaniarlutit qinnuteqarnissannut soqutiginnippit? Paasissutissiilluta ataatsimiititsilerutta qinnuteqarnissamut iluaqutaasinnaasunik siunnersussavatsigit, apeqqutillu qinnuteqaatit nassiutinnginnerani akissutissarsiffigisinnaallutit.
Paasisavut tassaavoq Arctic Hub-ip ph.d.-nngorniartunut aammalu ph.d.-ngorlutik naammasserlaanut, nunatsinnut attuumassuteqartumik ilisimatusarsimasunut aaqqissuuttagaa, tassanilu peqataasut ilisimatusarnerminnik kikkunnut tamanut paasiuminartumik saqqummiussillaqqinneqqusaattarlutik. Paasissutissiilluni ataatsimiinnermi Paasisavut pillugu nassuiaassaagut, qinnuteqarnissamut periuseq saqqummiutissavarput, apeqqutillu akissuteqarfigissallugit.
Qinnuteqarnissannik pilersaaruteqareersimaguit imaluunniit Paasisavut pillugu paasisaqarnerorusukkuit, paasissutissiilluni ataatsimiinneq periarfissatsialaassaaq. Tassani Paasisavut pillugu annertunerusumik paasisaqassaatit, kiisalu unammisussatut toqqagaassagaanni suut pingaaruteqarnersut peqataasuniillu suut naatsorsuutigineqarnersut paasisaqarfigissavatit.
Uku pillugit paasissutissiissaagut
-Paasisavut sunaava, sooq peqataasariaqarpit?
-Peqataasussanut piumasaqaatit
-Qinnuteqarnissamut periuseq
-Apeqqutit akissutillu
Paasissutissat pingaarutillit
Ulloq: Aggustip 19-iani 2026
Nalunaaqutaq: 10.00–10.30 (Kalaallit Nunaata nalunaaqutaa naapertorlugu)
Microsoft Teams-ikkut
Nalunaarnissamut linki: Signup here
Oqaatsit: Tuluttut
Sooq peqataassavit?
Paasisavut-mi peqataaguit kikkunnut tamanut paasiuminartumik saqqummiussinissamut piginnaasatit ineriartortissinnaavatit, kiisalu ilisimatusarninnik nunatsinni innuttaasunut amerlanerusunut apuussisinnaallutit. Paasisavut 2026-imi ajugaasoq 50.000 koruuninik aningaasartalimmik akissarsissaaq.