Ukiorpassuarni ilisimatusarnermi katersorneqarsimasut minutsit tallimaannaat iluini saqqummiunneqarnissaat ajornanngitsuunngilaq. Taamaattorli Paasisavut 2026-imi ilisimatusartut piginnaanillit tallimat Katuami Hans Lyngep inersuaani tamanna misilissavaat.
Paasisavut ilisimatusarfigisanik saqqummiussinermi ph.d.-nik Kalaallit Nunaanni eqqaanilu ilisimatuutut misissuinermik sulialinnik unammisitsineruvoq.
Ajugaasoq minutsit tallimaannaat ingerlaneranni ilisimatuutut misissukkaminik paasiuminartumik, sunniuteqarluartumik tulluartumillu saqqummiussisinnaassaaq, taakkua ilisimatuussutsimut tunngasortaanik ataqqinnilluni. Unammisitsineq pissaaq novembarip 13-iani 2026 Nuummi kulturip illorsuani Katuaq, KNR TV-kkuttaaq toqqaannartumik aallakaatinneqartussami.
Nunatta pillugu ilisimatusarnerminnit paasisatik avitseqatigiissutigissavaat, kiisalu nunatta ullumikkut siunissamilu periarfissai unammilligassaalu pillugit oqaluttuassallutik. Saqqummiinerit assigiinngiiaartuupput – ilaanni nuannersuullutik, ilaanni eqqarsalersitsisuullutik, ilaannilu isumassarsiffiullutik.
Paasisavut unammisitsineriinnaanngilaq. Tassaavorli ilisimatusarnermi paasisanik avitseqatigiiffik, tassani ilisimatusarneq innuttaasunut qaninnerulersinneqartarluni paasisallu amerlanerusunit tusarneqarlutillu oqaloqatigiissutigineqartarlutik.
Katuami aaqqissuussamut isissutissat akeqanngillat. Siulliullutik inniminniisut siulliullutik periarfissaqassapput. Isissutissat oktobarip ingerlanerani www.paasisavut.gl-imi pissarsiarineqarsinnaalissapput.
Ulloq: Novembarip 13-iat 2026
Nalunaaqutaq: 19:30
Sumiiffik: Katuaq
Aaqqissuisoq: Arctic Hub