OnlineWorkshop

Arctic Hub Connect 2026
Mar 5, 2026

Kalaallit Nunaanni ilisimatusartoq? 5. marts 2026 naapilluta attaveqatigiitta!

 

Arctic Hub Connect tassaavoq online-workshop peqataasunik sulianik ilaatitsisoq, Kalaallit Nunaanni aammalu Kalaallit Nunaannut tunngatillugu ilisimatusarnermik suliaqartut kiisalu soqutigisaqartut ataatsimoortitsisoq. Ukiuni siuliini misilittakkat pitsaasut tunngavigalugit Arctic Hub Connect 2026-mi suliassaqarfinniik assigiinngitsunik, suliffeqarfinnik aammalu nunat akimorlugit oqaloqatigiinnermut, eqqarsarnermut aammalu attaveqatigiinnissamut periarfissitsiisoqassaaq.

 

Aaqqissuussaq Kalaallit Nunaanni ilisimatusarnerup akisussaassusilimmik, naleqquttumik aammalu peqataatitsisumik ingerlanneqarnissaa tapersersorlugu pilersaarutaavoq, attaveqaatit nukittorsarneqarnissaat aammalu assigiinngissitaartunik piginnaasaqartunik, inissisimaffeqartunik aammalu misilittagaqartunik ammasumik avitseqatigiinnissaq siuarsarlugu.

 

Arctic Hub-imi Kalaallit Nunaanni ilisimatusarnermik suliaqarnerit pillugit paasisaqarnerulernissamut aammalu ataatsimut isiginnissinnaanissamut soqutiginnippugut. Taamaattumik 2026-imi Kalaallit Nunaanni ilisimatusarnissannut pilersaarutitit avitseqatigissallugit aammalu sumiiffimmi pilersaarutaqarfigisanni suliniutit ingerlasut pillugit paasisaqarnissamut qaaqqusaavutit.

 

Ulloq: Sisamanngorneq 5. marts nal. 10.00–13.00 (UTC-2 / Kalaallit Nunaata Kitaata nalunaaqutaa)

 

Peqataaneq: Online-mi ataatsimiinneq Zoom aqqutigalugu ingerlanneqassaaq. Workshop-imi oqaatsit atorneqartut tassaapput tuluttut. Illit aammalu peqataasut allat misilittagaqarluarnissaat anguniarlugu peqataalluarnissamut aammalu videomik atugaqarluni peqataarnissamut kaammattorpatsigit. 🙂

 

Siunertaq: 

1) Kalaallit Nunaanni ilisimatusarnermik suliaqarnerit pillugit ilisimatusarfinnut tamanut ataatsimut isiginninnermik pilersitsineq

2) Isiginninneq tamanna soqutigisaqartut assigiinngitsut akornanni avitseqatigiinneq, assersuutigalugu innuttaasut, pisortat ingerlatsiviit aammalu inuussutissarsiornermi peqatigiiffiit

3) Ataqatigiissaarinikkut, suleqatigiinnikkut aammalu ilisimasaqarnermik avitseqatigiinnikkut ilisimatusarnerup pitsaassusaanik qaffassaaneq

4) Kalaallit Nunaanni ilisimatusarnermik qasusarnermik annikillisitsineq

 

Programmi, oqalugiartussat aammalu peqataanissamut nalunaarutigineqarnissamut paasissutissat allat aaqqissuussaq qanillinerani saqqummiunneqassapput.

 

Apeqqutissaqaruit attavigisinnaavat info@arctichub.gl

Uani workshoppimut nalunaarsortigit

Peqataanissamut ulloq killigititaq: 2. marts 2026.

Uani nalunaarit

Arctic Hub Connect suua?

Arctic Hub Connect tassaavoq workshop-i aqqutissiornertalik, isummersoqatigiiffimmi oqaloqatigiinnernik, eqimattakkaarluni suliaqarneq aammalu attaveqatigiinnernik imalik. Ukkatarineqassapput uku:

  • Ilisimatusartunik assigiinngissitaartunik aammalu atorfimmi inissisimaffiit assigiinngitsut akornanni attaveqatigiinneq
  • Kalaallit Nunaanni ilisimatusarnermik ingerlatsinerup misilittagaqarfigineqartut avitseqatigiinnerat
  • Ilisimatusarnermut tunngatillugu aaliangersimasunik assersuutinik, inuiaqatigiinnut tunngasumik aammalu ilisimatusarnermi ileqqorissaarnermi apeqqutit oqallisigineqarnissaat
  • Nunap iluani aammalu nunanit allaneersunit isiginneriaatsit akornanni oqaloqatigiinnermut inissaqartitsineq

Peqataasut workshop-ip ingerlanerani tamarmi peqataalluarnissaannut, isumassarsianik avitseqatigiinnissamut, apeqqutinik saqqummiussinissamut aammalu suleqatigiinnissamut periarfissaqarluartitsissaaq.

 

Peqataasussat:

  • Ilisimatusartut ilisimatusarnerminni killiffigisaat inissisimaffiit apeqqutaatinnagit
  • Ilisimatusarnermik suliaqartut
  • Inuit Kalaallit Nunaanni aammalu Kalaallit Nunaannit ilisimatusarnermut soqutiginnittut
Arctic Hub Connect 2026 – ullormut pilersaarutit:
10:00-10:15 Tikilluaqqusineq: Arctic Hub Connect-imut aammalu workshop-ip siunertaanut saqqummiussineq Henrik Balle, Arctic Hub
10:15-10:30 Arctic Hub 2026-imi
10:35-10:45 Kaffisorneq, attaveqatigiinneq aammalu oqaloqatigiinneq
10:45-11:05 Breakout-session #1
11:05 - 11:10 Tekniskimik unikkallarneq
11:10 - 11:30 Breakout-session #2
11:30-11:45 Unikkallarneq: minutsit 15-it
11:45–12:20 Keynote: Kalaallit Nunaanni ilisimatusarnerup ullumikkut inissisimanera – periarfissat, unammilligassat aamma aqqutissaq siunissamut Mari Kleistimit, Ilisimatusarfik
12:20-12:50 Breakout-session #3: Oqaloqatigiinneq Session-imi matumani peqataasut namminneq toqqagaat pillugit ammasumik aammalu peqataatitsisumik oqaloqatigiinneq ingerlanneqassaaq. Ukioq manna peqataasut namminneq session-inik aqutsisinnaanerat periarfissinneqarpoq. Session-imut aqutsisutut soqutiginnikkuit aammalu nammineq toqqakkannik qulequtaqarluni oqaloqatigiinnermut peqataasunik katerserusukkuit, nalunaarutigiinnaruk session-ip qulequtaa nalunaarneqarnissamut immersugassami. Peqataasut tamarmik oqaloqatigiinnermut peqataalluarnissaat aammalu toqqarneqartut pillugit periarfissat unammilligassallu eqqarsaatigalugit piareersimanissaat kaammattorneqarpoq. Session-ip ingerlanerani eqimattamut allamut nuunnissaq aamma periarfissaavoq.
12:50-13:00 Naammassineq: Workshop-ip naliliiffigineqarnera. Qujanaq aammalu takuss, Arctic Hub-ip tungaanut
Arctic Hub Connect online-workshop-imut nal. sumiiffiit naapertorlugit:
Nuuk (Kalaallit Nunaat) Sisamanngorneq 5. marts 2026 nal. 10:00 – UTC-2
København (Danmark) Sisamanngorneq 5. marts 2026 nal. 13:00 – UTC+1
Tokyo (Japan) Sisamanngorneq 5. marts 2026 nal. 21:00 – UTC+9
San Francisco (USA – California) Sisamanngorneq 5. marts 2026 nal. 04:00 – UTC-8
Toronto (Canada – Ontario) Sisamanngorneq 5. marts 2026 nal. 07:00 – UTC-5
Sydney (Australia – New South Wales) Sisamanngorneq 5. marts 2026 nal. 23:00 – UTC+11